УEФА президенти Александер Чеферин Европа Суперлигаси лойиҳаси амалга оширилишига шубҳа билдирди.

"Бу мавжуд бўлмаган лойиҳа, ҳеч қачон содир бўлмайдиган нарса, чунки у ҳеч кимга керак эмас. На судлар, на полиция, на армия одамларни бундай ақлдан озишга мажбурлайди. Суперлига тарихи жамиятимиз тарихи: пулга ҳамма нарсани сотиб олиш мумкинми, деган савол ўртада турибди.
Уларда ҳеч ким йўқ. На 50, на 20, на 200 та клуб бор – буларнинг барчаси кулгили ва бизни безовта қилмайди. Лекин мен шуни таъкидлайман: биз ҳеч қачон уларга ўз мусобақаларида қатнаша олмаслигини айтмаганмиз. Марҳамат, ўйнашсин – лекин улар хоҳламаяпти-ку!
Улар у ерда нимадир яратиш ҳақида гапиришади, кейин эса бизнинг турнирда иштирок этиш учун биринчи бўлиб ариза беришади", – деди функционер.

Аввалроқ Суперлига лойиҳани йўлга қўйишга тайёрлиги ҳақида хабар берилган эди.

УEФА президенти: "Суперлига – мавжуд бўлмаган лойиҳа"