Қуръадан сўнг "Андижон" клуби спорт директори Улуғбек Мирзаев championat.asia сайтига фикрларини билдириб ўтди.

"Ўзбекистон кубоги баҳсларини "Андижон" нимчорак финалдан бошлайди. Ўтиш босқичдаги "Машъал-2" - "Ғиждивон" ғолибига қарши ўйнаймиз. Бу ўйинда "Машъал-2"нинг имконияти юқорироқ бўлса керак. "Андижон" барча рақибларни ҳурмат қилади. Бизга қуръада битта нарса маъқул келди. Бу босқичдан ўтсак, биз тўғридан-тўғри кучли тўртлик жамоаларига тўғри келмаймиз. 1/4 босқичдагина кучли рақиблар тўқнаш келар эканмиз. Қанча узоқроқ борсак, бизнинг жамоага шунча яхши бўлар эди" , - дейди Улуғбек Мирзаев.

- Ўзбекистон кубогига эътибор чемпионатга нисбатан камроқ. Шу боис биринчи босқич ғолибига қарши "Андижон" ёшларни майдонга тушириши мумкинми?
- Тўғри, "Андижон" чемпионатда соврин учун курашмайди. Шу боис бизга кубок ҳам, чемпионат ҳам бир хил даражада. 7-8 ўриндан 12-ўрингача бўлган жамоаларни кузатсак, биз таркибни сақлаб қоламиз деган нарса йўқ. Биз соврин учун курашсак экан, таркибни сақлаб бор эътиборни чемпионатга қаратамиз десак. Биз ҳам кубокда узоқроққа боришни режалаштирмоқдамиз. Бизда эътибор доим бир хил бўлади.

Улуғбек Мирзаев: "Андижон" кубок баҳсларида узоқроққа бормоқчи"