- Қийин ўйин бўлди. Кетма-кет омадсиз натижаларни ортда қолдиришимиз керак эди. Сўнгги турларда қайд этилаётган натижалар мураббийлар штаби, футболчилар шу қатори клуб ходимларини ҳам қандайдир тушкун ҳолатга солиб қўйганди. Ушбу ғалаба эса барчамизни мазкур ҳолатдан чиқиб кетишимизга катта ёрдам берди. Умид қиламанки, бундан буёғига барчаси яхши бўлади. Муҳими, ғалаба қозонишни бошладик.

- Ғалабага нимани сабаб сифатида кўрсатган бўлардингиз?
- Ғалаба қозонишдан бошқа чорамиз йўқ эди. Сўнгги омадсизликлар биз футболчиларга яхшигина сабоқ бўлди. Галдаги ниятимиз ишончли ўйин намойиш этиб, стадионда "Нефтчи" мухлисларини қайтариш ҳисобланади.

- Олмалиқликлар ҳақида қандай фикрдасиз?
- "Олмалиқ" анча яхши шаклланган жамоа ҳисобланади. Хар қандай жамоага бемалол жиддий қаршилик кўрсата олади. Шахсан мен уларни Олий лигадаги кучли жамоалардан бири сифатида биламан.

- "Обод" сўнгги турларда анча ижойиб натижалар қайд этиб келмоқда. "Нефтчи" кейинги турда айнан Тошкент клуби уйига сафар қилади. Бўлажак баҳс борасида нима дейсиз?
- Энди очко йўқотишга ҳаққимиз йўқ. Бизни фақат ғалаба қониқтиради. Эртадан бор эътиборимизни "Обод" билан баҳсга қаратамиз, - деди Умид Қодиров.

Эслатиб ўтамиз, Фарғонанинг "Нефтчи" клуби 24-турда "Обод" меҳмони бўлади. Мазкур беллашув 1 октябрь куни Тошкентда ўтказилинади.

"Нефтчи" матбуот хизмати

Умид Қодиров: "Бошқа очко йўқотишга ҳаққимиз йўқ"