“Биз учун бу ўйин жуда муҳим, - дейди франциялик мутахассис. – Уммон баъзи сабабларга кўра 2011 йил Қатарда ўтказилган Осиё Кубогида иштирок эта олмаганди. Лекин бу сафар Австралияга боришни мақсад қилганмиз. Агар қитъа биринчилиги йўлланмасини қўлга киритсак, бу бутун Уммон халқи учун катта байрам бўлади. Биз ҳали гуруҳдан чиққанимиз йўқ. Шу боис байрам қилишга бироз эрта. Мен Сурия иштирокидаги охирги иккита учрашувини кўрдим ва рақиб менда илиқ таассурот қолдирди. Натижа қандай бўлишини башорат қила олмайман, лекин фақат ғалабани кўзлаб ҳаракат қилишимиз бор гап”.

Ҳуссам Ал Сайед (Сурия термаси бош мураббийи): “Ўйлайманки, учрашув нафақат биз учун, балки рақиб учун қийин ҳам қийин кечади. Уммон гуруҳ пешқадами, лекин бизда ҳам имконият бор. Менинг иш бошлаганимга энди икки ҳафтадан ошди, шунга қарамай, футболчилар билан тезда тил топишиб кета олдик деб ўйлайман. Биз учун биринчи ё иккинчи ўриннинг фарқи йўқ, муҳими, керакли очколарни жамғариб гуруҳдан чиқсак бўлгани”.

Эслатиб ўтамиз, Суриядаги сиёсий нотинч вазият туфайли ўйин Гонконгда ўтказилади ва 15:30да бошланади.

Хайрулла Холиқов тайёрлади.

Уммон мураббийи: «Ғалаба учун ҳаракат қиламиз»