Яқинда футболчи билан боғланиб термизликлар сафига қўшилиши ва бошқа саволларга жавоб олдик.

- Шартнома имзолагандан кейинги ҳиссиётларингиз?

- Ҳиссиётларим аъло. "Сурхон" билан шартнома имзолаб Ўзбекистон Суперлигасида ўйнаётганимдан хурсандман. Ўйлайманки, бу мавсум жудаям қизиқ бўлади. Чунки кўп жамоалар таркибини кучайтирди.

- "Сурхон" варианти қандай пайдо бўлди?

- Январь ойи ўрталарида "Сурхон" жамоаси президенти менга алоқага чиқиб қизиқаётганини, клубда янги лойиҳа бошланганини айтгандан сўнг рози бўлдим. Бир ойдан кўпроқ вақтдан бери жамоа билан биргаман. Аммо ҳужжатлар билан муаммо бўлгани туфайли шартнома туза олмаётган эдик. Лекин чемпионат стартига яқин шартнома туздик.

- "Сурхон"га ўтишингизни асосий сабаб нима бўлди? Чунки "Истиқлол" жамоаси Чемпионлар Лигасида ўйнайди, "Сурхон" эса Суперлиганинг ўртамиёна жамоаларидан?

- "Сурхон" жамоаси мутасаддилари яқин йиллар ичида рақобатбардош жамоа тузишмоқчи. Бунинг учун улар Термиз шаҳрида инфратузилмани яхшилашни бошлашган. Таркиб ва мураббийлар штабини легионерлар билан кучайтиришди. Албатта жамоада қисқа вақт ичида катта натижаларни кутиш ноўрин, аммо биз хар бир ўйинда ютишга ҳаракат қиламиз.

- Испаниялик мураббийларнинг машғулот жараёни қандай экан?

- Жудаям бошқача ёндашув. Улар бизни ҳар бир машғулотда фикримизни бир жойга жамлаб 100 фоиз ҳаракат қилишимизни талаб қилишмоқда.

- Сиз бошқа жамоалардан таклифлар олдингизми? Агар сир бўлмаса қайси жамоалардан?

- Бошқа чемпионатлардан таклифлар олдим. Аммо мен Ўзбекистон чемпионатини афзал кўрдим. Боиси бу ерда менинг 3 та собиқ жамоадошларим ва терма жамоадаги дўстларим ўйнашмоқда.

- Охирги саволим Тожикистон терма жамоаси ҳақида. Яқинда Осиё Кубогига саралаш босқичига қуръа ташланди ва Тожикистон терма жамоаси "F" гуруҳида Қирғизистон, Мьянма ва Сингапур билан куч синашади. Ним деб ўйлайсиз терма жамоангиз бу турнирга чиқа оладими?

- Албатта биз Осиё Кубогининг финал босқичига чиқишимизга ишонамиз ва бунинг учун бор кучимизни сафарбар қиламиз. Ўйлайманки, ҳудо хоҳласа биз буни уддалаймиз.

Учқунбек суҳбатлашди

"Ушбу клубда катта лойиҳа бошланган" - "Сурхон"нинг тожикистонлик легионери Зоир Жўрабоев