Ушбу учрашувдан сўнг тожикистонликлар бош мураббийи Усмон Тошев Тожикистон футбол федерацияси матбуот хизматига фикрларини билдириб ўтди.

"Йигитлар ҳаракат қилишди. Нимадир ўхшади ҳам. Таянч зонасида бугун бироз диққат етишмади. Умуман олганда футболчилар яхши ўйнашди. Япония бир неча йиллардан бери олдинга интилиб келмоқда. Уларга гол ура олиш мумкинлигини шогирдларим исботлашди. Бу уларга катта мотивация бўлади, деб ўйлайман. Режалаштирганимиздек иккинчи темпда ўйинни давом эттирган ҳолда, рақиб дарвозасига йўл топдик. Тўғри бизда тажриба ва маҳорат етишмади. Шунга қарамай, биз тўғри йўлдамиз. Тожикистон футболи босқичма-босқич ўсиб боряпти. Мана шу йўналишда давом этиш керак.
Мьянма билан ўйинга тайёргарлик кўрамиз. Принципиал ўйин бўлади. Нима бўлганда ҳам чиройли ўйин учун, ғалаба учун ўзимизни тиклашимиз зарур. Иккинчи ўринни қўлга киритиш учун минимум имконият сақланиб қолинган. Қолгани математика. Футболчилар кучли рақиб олдида руҳан синиб қолишмади. Учрашув сўнггида иккита яхши вазият юзага келтиришди. Вазиятлардан фойдаланишда тажриба етишмади",- дейди Усмон Тошев Тожикистон футбол федерацияси матбуот хизматига.

Усмон Тошев: "Муҳими тўғри йўлдамиз. Шу йўналишда давом этишимиз керак"