- "Аввало туғилган кун билан табриклаганингиз учун раҳмат. Агар бугун ғалаба қозонсак, бу мен учун энг катта совға бўлади. Ахир қачондир ютишимиз керак-ку", - дейди Вадим Карленович.

Маълумот учун, Вадим Абрамов бугун 55 ёшни қарши олди. Таниқли мутахассис "Нефтчи"га бош мураббий бўлганидан сўнг фарғоналиклар унинг қўл остида учта ўйинда майдонга тушиб, ҳали ғалаба қозонишмади. Жамоа ўз майдонида "Динамо" ва "Металлург"га имкониятни бой берган бўлса, сафарда "Машъал" билан дуранг ўйнади.

Бундан ташқари, Кубок баҳсларида ҳар иккала ўйинда ҳам "Бунёдкор"га мағлуб бўлиб, ўз иштирокини чорак финалда тўхтатди. Бугун жамоа олий лиганинг 16-тур учрашувини ўз майдонида "Шўртан"га қарши ўтказади. "Истиқлол" стадионида бўлиб ўтадиган баҳс 19:00да бошланади.

Х.Холиқов

Вадим Абрамов: "Ахир қачондир ютишимиз керак-ку"