- Ўйин, рақиб жамоа ҳақида фикрларингиз қандай?

- "Арал" яхши жамоа. Ўз уйида бекорга бундай яхши ўйин кўрсатишмаяпти. Бугун омадимиз келди. Керакли вақтда гол уриб олдик. Бизда бир неча вазиятлар бўлди. Тўп эса шунчаки дарвозага киришни истамади. Умуман олганда, ҳақли ғалабага эришдик деб ўйлайман. "Арал" жамоаси эса менда жуда яхши таассурот қолдирди.

- Охирги марта Нукусда қачон бўлгандингиз ва шаҳар қанчалик ўзгарибди?

- Нукусда охирги марта 1984 йил бўлгандим. Албатта, шаҳар ўзгарган. Ажойиб шаҳар, мен яхши томондан хайратландим. Мен бу ерда ўйнаган пайтим майдон умуман бошқа эди, меҳмонхона ҳам. Ҳозир меҳмонхона анча яхшиланибди. Стадиондга баъзи қўшимчалар киритилса ва табиий чим билан қопланса, жамоа Қорақалпоғистон Республикаси шарафини ҳимоя қилишга лойиқ деб ўйлайман. Мухлислар ҳам бунга арзийди.

- "Динамо" Про лигада мағлубиятсиз кетмоқда. Бироқ, бу ўйинга қадар учинчи ўринда эди. Бунга қандай фикрдасиз?

- Мен билан кўпинча шундай бўлган. Албатта, ғалати. Осиё кубогида ҳам шунга ўхшаш ҳолат бўлганди. Бу мени хайрон қолдирмапти. Афсуски, мағлубиятсиз кетаётган бўлсак ҳам биринчи ўринда бормаётгандик. Бугунги ғалабадан кейин биринчи ўринга кўтариламиз. Ҳаммаси яхши давом этса, ўзимизга керакли натижага эришамиз.

Вадим Абрамов: "Ҳақли ғалабага эришдик"