Ўйинда ҳисоб 2-тайм бошида Кевин Гамейро томонидан очилди. Бош ҳакам ўйиндаги тўхталишларни қоплаш мақсадида, баҳсга 8 дақиқа қўшиб берди. Қўшимча дақиқаларнинг бешинчисида Гамейро пенальти тепиш имкониятига эга бўлди. Бироқ, ундан фойдалана олмади.

Шундан сўнг, «кўршапалаклар» аъзоси Франсис Коклен ўз жарима майдони ичида тўпни қўли билан ўйнагани учун, учрашув рефериси бу гал мезбонлар дарвозасига пеналти белгилади ва унга иккинчи сариқни кўрсатиб, майдондан четлатди. 11 метрлик нуқтага яқинлашган Микель Оярсабаль эса уни аниқ амалга ошириб, жамоасига 1 очко тақдим этди.

Валенсия – Реал Сосьедад 1:1 (0:0, 1:1)

«Месталья»

Голлар: 1:0 – 58 Гамейро, 1:1 – 90+11, пенальти Ойарсабаль.

Амалга оширилмаган пенальти: 90+5 Гамейро

Валенсия – Силлессен, Гарай, Коста (Пиччини, 82), Габриэл Паулиста, Васс, Гедеш, Кондогбиа, Коклен, Солер (Ферран Торрес, 90), Родриго (Черышев, 85), Гамейро.

Реал Сосьедад – Мойя, Муньос (Родригес, 85), Ле Норман, Сальдуа (Барренечеа, 82), Субельдия, Ильярраменди, Мерино, Янузай (Исак, 71), Эдегор, Ойарсабаль, Виллиан Жозе.

Огоҳлантиришлар: Эдегор (29), Мерино (36), Сальдуа (42), Ле Норман (57), Коклен (63), Черишев (90), Гарай (90).

Четлатиш: Коклен (90+11).

ЛаЛига. "Валенсия" 101-дақиқада урилган гол туфайли тайёр ғалабани бой берди