“Мана бир неча йилдирки, “Сосьедад”га қарши баҳс биз учун энг қийин сафар ўйинларидан бири бўлиб келмоқда. Ўтган икки мавсумда, гарча ғалабага эришган бўлсакда, бу ерда тўп суриш биз учун осон эмас.

Қолаверса бунга рақибнинг айни пайтда кўрсатаётган ўйинини, рақиб таркибидаги футболчиларнинг маҳоратини ва “Камп Ноу”да кечган охирги учрашувимизни қўшадиган бўлсак, бизни нақадар оғир ўйин кутиб турганлигини билиш қийин эмас.

Бу жамоанинг ҳар бир ўйинда ўз олдига қўйган аниқ режаси бор. Улар ҳар доим тўпни тезроқ ўзларига қайтаришни исташади. Эдегор ва Мерино бир бирларини жуда яхши тушунишади.

Альба ва Семеду ҳақида

“Улар Ла Лигадаги сўнгги ўйинмиздан кейин жамоа билан машғулотларда иштирок этишди. Аммо учрашувга тўлиқ тайёр бўлмаганликлар учун сешанба кунги баҳсда майдонга тушишмади. Умид қиламизки, “Сосьедад”га қарши ўйинда уларнинг хизматларидан фойдаланамиз.

Фати ҳақида

“У билан ҳаммаси жойида ва ўзини камтар тутмоқда. Биз у ҳақида доим қайғурамиз”

Видал ҳақида

“Нима дейишим мумкин? Ҳар ким ўз ишонган нарсаси ҳақида гапириши мумкин. Трансфер ойнаси ҳали очилгани йўқ, йил якунига қадар биз яна учта учрашув ўтказамиз. Айни пайтда Видаль бизнинг футболчи. Кейин нима бўлишини кузатишда давом этамиз”.

Вальверде: “Бу “Барселона” учун энг қийин сафар ўйинларидан бири бўлади”