Ўша мавсум МЮ кетма-кет камбэклари билан мухлисларни қувонтиргани ҳам эсингиздадир балки. "Қизил иблислар"нинг ўша мавсумдаги тўпурари Робин Ван Перси ёрқин хотираларни ёдга олди.
"2012/2013 йилги мавсумда биз 26 бор ҳисобда ортда бориб якунда камбэк қилиб ғалаба қозонганмиз. Жамоамизнинг руҳий мустаҳкамлиги ақл бовар қилмас даражада эди.
Сэр Алекс доимо эркин ҳаракат қилишимизни назорат қиларди. Баъзида у кийиниш хонасига кириб шундай дерди: "Йигитлар, нимадан бошлай? Мен сизнинг ўйинингизни кўриб зерикдим! Ўзингизни менинг ўрнимга қўйинг, мен 72 ёшдаман ва шундай ўйинни кўришим керакми?
Мени уйғотинг, йигитлар. 40 ярд (тахминан 36.5 метр)га спринт кўрсатишга уриниб кўринг, дриблинг қилишга урининг. Нимадир хато кетса мен учун аҳамияти йўқ (хато қилишдан қўрқманг деган маънода). Мен ўз ўрнимдан турмоқчиман. Илтимос, мени уйғотинг. Ва шундай қилингки, ўйин тезроқ кечсин".
У даҳо эди".
Изоҳлар