Осиё футбол конфедерацияси (ОФК) ўзининг янгиланган учта мусобақасида, шунингдек, Осиё аёллар Чемпионлар Лигасида Видеоёрдамчи ҳакам (VAR) тизимини жорий этиш орқали ҳакамликнинг энг юқори стандартларини сақлаб қолмоқчи.

Янги жорий этилган ОФК Элит Чемпионлар Лигаси мақомига кўра, қитъанинг энг яхши 24 жамоаси шон-шараф учун кураш олиб боради, шу йилнинг сентябрь ойида бошланадиган Лига босқичида VAR тизимидан фойдаланилади.

Октябрь ойида бошланадиган ОФК аёллар Чемпионлар Лигасининг ярим финаллари ва финалда VAR тизими ишлатилади. Бу Конфедерациянинг қитъада аёллар футболини қўллаб-қувватлаш ва ривожлантиришга эътибор қаратаётганини англатади.

Шу билан бирга, ОФК Иккинчи Осиё Чемпионлар Лигаси ўйинларидаги ҳакамлар учун VAR ёрдами плей-офф босқичидан бошлаб мавжуд бўлади. 32 та жамоа иштирок этадиган мусобақа сентябрь ойида бошланади.

20 та жамоадан иборат ОФК Чақирув Лигасида ушбу технология 2025 йилнинг май ойида бўлиб ўтадиган финал босқичида қўлланади.

VAR тизими 2024/25 йилги мавсумда ОФКнинг барча клуб мусобақаларида жорий этилади