Учрашувдаги биринчи гол Жоржиньо Вейналдумнинг кузатувчанлиги туфайли амалга ошди. Бурчак тўпларида "Кардифф" ҳимоячилари бор эътиборни Виржил ван Дейк, Жоэль Матип ва Роберто Фирминога қаратишини пайқаган Вейналдум гол урди. Трент Александер-Арнолд жарима майдончасига ерлатиб пас берди ва голландиялик тўпни дарвозага жойлаб қўйди.

"Биринчи бўлимда бир ўзим эдим. Хендерсондан тўпни Трентга беришни, у эса тўпни менга ерлатиб узатишини сўрадим" - дейди Вейналдум.

"Хендо менга Жини 11 метрлик нуқта олдида бўшлигини айтди ва танаффусда стандартни хавфлироқ амалга оширишни келишиб олдик. Керакли нуқтага пас беришга уриндим. Жинининг зарбаси жуда зўр бўлди" - дейди Александер-Арнолд.

Ҳаммадан кўпроқ Клопп хурсанд бўлди. "Биз турли вариантларни машқ қиламиз, аммо бу ерда йигитларнинг ўзи бир қарорга келишди. Жуда хурсандман. Ўйинда ўрганяпмиз, футболда бундан яхшироғи бўлмайди".

"The Times"нинг ёзишича, Юрген стандартларга кўпроқ вақт ажратишни буюрган ва бу фойда бермоқда: "Ливерпуль" мавсум якунланишига уч тур қолганда аввалги мавсумдаги натижасини яхшилади (20та гол - 11та гол).

TAS-IX

Вейналдумнинг кузатувчанлиги "Ливерпуль"га ғалаба келтирди