Фаолияти давомида мингдан ортиқ голларга муаллифлик қилган Пеле, умри давомида бирон маротаба майдон марказидан гол ура олмаганини афсус билан кўп бора эслайди. Бу ҳам омад.

Шу муносабат билан футболчи билан икки оғиз суҳбатлашдик.

- 50 метрдан гол урдингиз, бу вазиятни қандай баҳолаган эдингиз? Ўша пайтда дарвозабон ҳали ҳам голни нишонлаб қайтаётган эдими?

- Биринчи бўлимда дарвозабонга яхшилаб эътибор берганимда, у ҳимоячиларга ёрдам беришга тайёр кўринди. Бу билан у кўп маротаба олдинга чиқиб кетаётган эди. Таннафусда мураббий Зохид Нурматов йигитлардан шу ҳолатга кўпроқ аҳамият беришни сўради. Биз иккинчи голни ўтказиб юбориб, тўпни марказга қўйганимизда ҳам дарвозабон хурсандчиликни давом эттираётган эди. Шу сабабли Мўйдиндан ўйинни тезроқ бошлашни сўрадим ва дарвозага зарба бердим, натижа эса гол.

- Умуман водий дербисига тўхталиб ўтсангиз.

- Водийга келиб водий дербисини қанчалик аҳамиятга эга эканлигини тушуниб етдим. Тўп учун кураш, эҳтирослар биринчи ўринга чиқиб қолар экан. Мухлисларга келсак, улар алоҳида аҳамият касб этади.

- Жамоа нима учун ўткан йилги барқарор ўйинини намойиш эта олмаяпти?

- Қишги йиғин яхши ўтди, ҳаммаси жойида эди. Аммо биринчи икки турда бир очко олганимиз ва кейинги ўйинда дурангни қўлга киритиб турганимизда 86 дақиқада 30 метрдан гол ўтказиб юборганимиз жамоага салбий таъсир қилди. Мағлуб бўлган ёки дурангга эришган учрашувларимизда 80 дақиқадан сўнг гол қўйиб юборяпмиз. Кечаги ўйинда ҳам эътиборни жамлай олмаганимиз бизга панд берди. Аслида "Насаф" билан ўйиндан кейин барчаси жойига тушиб кетиши керакдек эди. Афсуски ундай бўлмади.

TAS-IX

TAS-IX эмас

Нодирхўжа Юлдашев.

Видео: Пеленинг орзусидаги гол муаллифи Шаҳбоз Эркинов билан суҳбат