“Вьетнам жамоаси ўзини кўрсата олди. Бу давлатда футзалга катта пул ажратилаётгани кўринди. Бугунги баҳсда натижани аввалроқ қўлга киритишимиз мумкин эди. Мусобақада ҳар сафар дарвозабони кучли жамоаларга қарши ўйнаяпмиз. Бугун ҳам вьетнамлик посбон ажойиб ўйнади. Вьетнам ҳимояда тартибли ўйнади ва қарши ҳужумларга кўп ўтди. Охирги дақиқаларда ҳисоб тенг бўлиб турганида бешинчи ўйнчини туширдим. Бу ҳаяжонли дақиқалар эди, Жаҳон футзалида ҳам буни кўп бор кўрганман. Бугун вазифани бажара олдик”, - дейди мураббий.

- Сизнинг жамоаингиз биринчи бўлимни 0:0 ҳисобида тугатди. Бу муаммо бўлиб қолмайдими?
- Шогирдларимга танаффус вақтида шундай дедим: “Футзал бир бўлим ўйналмайди, ҳали ҳаммаси олдинда. Ҳужум қилишда шошилманг”. Аммо майдонга тушганида футзалчилар барибир шошишади.

- Супхавут ҳақида нима дея оласиз?
- 23 декабрь куни Осиё чемпионатига тайёргарликни бошладик. 6та ўртоқлик учрашувини ўтказди. Супхавут эса йиғиннинг ярмида келиб қўшилди. Шу боис ҳозир у ўзининг энг кучли ўйинини кўрсатаётгани йўқ. Агар шундай давом этса дунёнинг исталган клубида ўйнай олади. Футзалда молияни янада яхшилаш керак, шунда футзал янада ривожланади.

Нарзулла Сайдуллаев

Виктор Херманс: "Супхавут Тхуеанкланг ҳали бор кучини кўрсатгани йўқ"