Якшанба куни "Реал" Ла Лиганинг 10-турида ўз майдонида "Барселона"ни 2:1 ҳисобида мағлуб этди. Винисиус 72-дақиқада алмаштирилди. Бразилиялик бу қарордан норози бўлиб, жамоа бош мураббийи Хаби Алонсога қўл бермасдан, тўғридан-тўғри кийиниш хонасига йўл олди, кейинчалик эса захира ўриндиғига қайтиб келди. Алмаштирилаётганда вингер ғазаб билан: "Мен жамоадан кетаман, кетганим маъқул", — деган сўзларни такрорлаган.

As нашри маълумоти бўйича, Винисиус ўзининг жамоадаги мавқеи етарлича қадрланмаяпти деб ҳисоблайди ва "Реал"ни тарк этиш ҳақида жиддий ўйлаяпти. Унинг фикрича, Алонсо унга нисбатан илиқ муносабатда эмас.

Шунингдек, у жорий мавсумда тез-тез алмаштирилаётганидан ёки ўйинни асосий таркибда бошламаётганидан норози. Энди футболчи, агар Алонсо келаси ёзгача бош мураббий бўлиб қолса ва уни Килиан Мбаппени қўллаганидек тўлиқ қўллаб-қувватламаса, жамоани тарк этиш эҳтимолини истисно қилмаяпти. Винисиус "Реал"ни тарк этмоқчи эмас, лекин ҳозирги вазиятга чидай олмаяпти.

Маълум қилинишича, "Реал" клуби Алонсонинг барча қарорларини, жумладан кечаги алмаштиришни ҳам қўллаб-қувватлаяпти.

Винисиус Алонсонинг "иши"дан сўнг "Реал"ни тарк этмоқчи