- Бугун «Локомотив»га нима бўлди?
- Ўйинни зўр бошладик, кейин ҳимояга ўтиб ҳисобни ушлаб қолишга уриндик. Қайсидир вазиятда хотиржамликка берилиб гол ўтказиб юбордик.

- Танаффусда Черевченко нима деди. Иккинчи бўлимда «Локо» умуман бошқача ўйнади?
- Биринчи таймдан ғазабда эди, кичик тўполон кўтарди. Бу эса бизга ёрдам берди, танаффусдан кейин яхши ўйнадик.

- «Спортинг» биринчи тур билан солиштирганда шунчалик кучайиб кетдими?
- Бугун «Спортинг» эмас биз ўзимиз уларга вазият яратиб бердик. Рақиб хатоларимиздан фойдаланиб кетди.

- Чорлуканинг йўқлиги сезилдими?
- Унинг йўқлиги билинди десак худди баҳонадек туюлади. «Локомотив»да исталган футболчини ўрнини босиш мумкин. Шу боис битта футболчининг йўқлиги мағлубиятга сабаб бўлмайди, – дейди Денисов.

Виталий Денисов: «Танаффусда Черевченко қаттиқ ғазабланди»