Виталий Левченко: "Ўйин биз учун жуда муҳим эди. Натижани ўйлаб бироз босим остида эдик. Ғалабага эришганимиздан хурсандман".
- Нега Силванус Нимелини майдонга туширмадингиз?
- У эндигина етиб келди, ҳали ишлаш учун рухсат олгани йўқ. Иккинчи давра стартигача формага кириб олишига умид қиламиз.
- "Нефтчи"да жароҳат олганлар кўп. Билолхон Тошмирзаев ҳақида маълумот бера оласизми?
- Билолхон Тошмирзаев ҳали тўлиқ тиклангани йўқ. Умумий гуруҳда ишлаётган бўлсада оғриқ ҳалиям бор.
- Танаффусда "Нефтчи"нинг режалари қандай?
- Ўз базамизда тайёргарлик кўрамиз. Қўшнилар билан келиша олсак шу ерда ёки Тошкентда ўртоқлик ўйинлари ўтказамиз. Ортиқча пул сарфлашга хожат йўқ, базамизда ҳамма шароитлар бор.
- Ижтимоий тармоқларда Бабаян "Нефтчи"га келиши ҳақида миш-мишлар пайдо бўлди. Мухлислар бундан ҳавотирда. Бу маълумотлар қанчалик тўғри?
- Миш-мишлар ҳар доим бўлган. Шартномам 30 ноябрда якунига етади. Бу менга боғлиқ эмас.
- Левченкога "Навбаҳор"дан таклифлар бўляпти деган гаплар бор...
- Қайтараман, "Нефтчи" билан шартномам бор, ҳеч ким билан музокара ўтказаётганим йўқ.
- Нимели қайси легионер ўрнини эгаллайди?
- Ҳозир бирор исмни айта олмайман. Бу борада қарор қабул қилинмаган.
- "Нефтчи" сўнгги 4та ўйинда 1та мағлубият, 1та дуранг ва 2та ғалаба қайд этди. Хатолар устида ишландими?
- Кубокдаги мағлубият бизга рухий таъсир кўрсатди. Кейин йигитлар ўзига келишди ва талаб қилинган нарсаларни бажаришди.
- Тома Табатадзе "Насаф"га ҳам бугунгидек гол урганди. Бу сизнинг кўрсатмангиз туфайли бўляптими?
- Ўйиндан олдин ким қайси вазифаларни бажаришини бўлиб берамиз. Йигитлар ўзларига юклатилган ишларни яхши уддалашди ва ғалабага эришдик.
Изоҳлар