- Ўйин ҳақида фикрингиз?

- Курашларга бой, яхши ўйин бўлди. Ҳар икки жамоа бугун нафақат бир-бири билан, балки майдон билан ҳам кураш олиб борди. Чунки майдон ҳолати яхши эмасди. Бундай майдонда ижодкор футбол намойиш эта олмайсиз, биз эса шундай ўйин кўрсатишга ўрганиб қолганмиз. Чемпионат ҳали тугагани йўқ. Биз эса курашяпмиз.

- "Бухоро" қайси жиҳатдан ноқулайлик туғдирди ва биринчи таймда нима учун "Нефтчи" "оқсоқланиб" ҳаракат қилди?

- "Бухоро" асосан кучга таяниб футбол ўйнашини биламиз. Жамоада бўйдор футболчилар кўп ва улар кўпинча кураш олиб боради. Шу боис нимадир бошқа жиҳат билан ажралиб турди дея олмайман. Иккинчи таймда бир киши кам бўлиб қолдик, натижада дуранг қайд этдик. Саволнинг иккинчи қисмига келсак, биринчи таймни майдонга мослашиш, ўйинга киришиб кетиш билан ўтказдик. Иккинчи бўлимда эса ўзимизга келиб олдик.

Виталий Левченко: "Бундай майдонда ижодкор футбол намойиш эта олмайсиз"