Ўйин ҳақида

- Ҳа, дерби курашларга бой ўтган бўлса-да, 0:0 ҳисобидаги дуранг натижа қайд этилди. Жуда кўп мухлислар, футбол атмосфераси, барчаси жуда ажойиб. Бугунги ўйин жуда курашларга бой ўтди. Майдоннинг баъзи қисмлари футболчиларнинг тўлақонли ҳаракатларини чеклаб қўйди. Кўпроқ узун узатмалар билан олдинга ўтишга интилдик. Ҳар икки жамоа охиригача курашди. Дуранг адолатли натижа бўлди деб ҳисоблайман.

- Натижадан қониқдингизми?

- Йўқ, бундай натижалар олдимиздаги мақсадларимизга етиш учун етарли бўлмайди. Ҳар қандай мураббий ёки футболчи ғалабани истайди. Икки жамоа ҳам ғалабани истади, бироқ якунда дуранг натижа қайд этилди.

- Билолхон Тошмирзаев майдонга туширилмаганига сабаб нима?

- У жуда тезкор ва креатив футболчи. Дриблингларда ҳам яхши ишлайди. Унинг позицияси билан боғлиқ бошқача режаларни тузгандик.

- Фарғонада ўтадиган кубок финали ҳақида фикрингиз қандай?

- “Навбаҳор” ҳам, “Андижон” ҳам жорий мавсум жуда катта иштиёқ билан кубок ғолиблигига курашаяпти. Қайси жамоа ғолиб бўлса ҳам, катта тарих ёзади. Мухлислар билан тўладиган катта атмосферали ўйин кутаяпмиз. Икки жамоага ҳам омад тилайман.

Виталий Левченко: “Дуранг адолатли натижа бўлди”