"Ўйин курашларга бой ўтди. Икки жамоа ҳам ғалаба қозонишни истаганди. Биринчи бўлимда бироз кайфият етишмади. Танаффусда айрим ўзгаришлар қилдик. Футболчилар билан гаплашиб олдик. Иккинчи бўлим учун йигитларга эътирозим йўқ. "Металлург" биринчи бўлимданоқ бундай катта шижоат билан ўйнашини кутмагандим",- дейди Виталий Левченко

- "Металлург" биринчи бўлимда ўйинни тўлиқ назорат қилди. Футболчиларингизга нима етишмади?

- Қайсидир паллада курашувчанлик ҳисси етишмади. Кураш, хоҳиш ва руҳият, биринчи бўлимда айнан шу учта нарсада оқсадик

- "Нефтчи" бу йил меҳмонда фақат иккита ўйинда ғалаба қозонди. Жамоага сафар учрашувларида нима тўсқинлик қиляпти?

- Эътибор берсангиз, биринчи даврани бутунлай сафарда ўтказганмиз. Чунки Яйпандаги "Ўзбекистон" ўйингоҳи бизнинг стадионимиз эмас. Кўп рақиблар билан меҳмонда тўқнаш келдик. Мен биринчи бўлим учун етишмаган 3та нарсани айтиб ўтдим.

- Андрей Мишенконинг ўйинини қандай баҳолайсиз? Чунки бугун пасларда, узатмаларда кўп хатога йўл қўйди...

- Ротатциялар қила олмаётганимиз сабаб тетиклик етишмаётгандир. Футболчи диққат ва эътиборини жамласа бундай хатолар қилмайди.

- Саламат Қуттибоевнинг алмаштирилиши нима билан боғлиқ?

- Кўргандирсиз, ўз позицияларини ёпа олмади. Унинг ўрнига янги кучларни майдонга туширдик. Чемпионат ҳали тугамади. Кўпроқ очко жамғариб турнир жадвалида ўрнимизни янада мустаҳкамлашимиз керак.

Виталий Левченко: "Иккинчи бўлим учун йигитларга эътирозим йўқ"