"Дерби бўлганлиги учун қийин ўйин бўлди. Ғалаба қозонганимиздан хурсандман. Мухлисларни табриклайман", - деди Виталий Левченко ғалабадан сўнг.

- Чемпионат якунланишига кам вақт қолди. "Насаф" бўлса кеча очко йўқотди. "Нефтчи" пешқадам позициясига кўтарилиб олиш эҳтимолини қандай баҳолайсиз?

- Биз ўзимизга боғлиқ барчасини максимал даражада бажарамиз. Барча жамоалар очко йўқотишади. Биз ўзимизнинг очколаримизни йиғиб юришимиз керак. Ҳар доим ўйиндан ўйинга ҳаракат қиламиз. Ҳозир эса кейинги учрашувга эътибор қаратишимиз керак.

- ФИФА кунларида "Нефтчи" ўртоқлик учрашувларида иштирок этадими?

- Ҳа, режамизда бор. Ўртоқлик учрашуви ташкил этиш мақсадидамиз.

- Фабио Каннаваро Ўзбекистон терма жамоаси бош мураббийи бўлиши ҳақида қандай фикрдасиз?

- Изоҳ беришим шарт эмас. Ассоциация бор ва бунга жавобгар инсонлар бор. Олдинда мундиал. Каннаваро мухлислар ва раҳбарият ишончини оқлайди деган умиддаман. Жаҳон чемпионатида яхши натижа қайд этилишига тилакдошман.

- Марушич кам ўйнамоқда. Унда жароҳат борми?

- Ҳа. У эндигина жароҳатдан тикланмоқда. ФИФА кунларидаги танаффус давомида тўлиқ тикланиб улгуради деган умиддамиз. Кейинги учрашувларда майдонга қайтиб қолади.

- Мухлисларга тилакларингиз борми?

- Бу жуда ёқимли. Икки сектор мухлислар кўз олдида ўйнадик. "Андижон" мухлислари ҳам ўз жамоасини ёлғизлатиб қўймади. Бугунги атмосфера Чемпионлар лигаси учрашувларини эслатиб юборди.

Виталий Левченко: "Ўзимизга боғлиқ барчасини максимал даражада бажарамиз"