Узоқ танаффусдан сўнг элитада иштирок этадиган жамоа таркибини тажрибали футболчилар билан кучайтиряпти дея оламиз. Суперлигада 7 йилдан буён ўйнаб келаётган сербиялик ҳимоячи Владимир Бубанья 2025 йил "Хоразм" мудофаа чизиғини қўриқлайди. Футболчи янги жамоаси ва Суперлигага тайёргарлик жараёнлари ҳақида фикрларини билдирди.

"Андижон"да қолмаслигим ойдинлашгач, "Хоразм" клуби раҳбарияти шартнома таклиф қилди. Якунда бу чорловни қабул қилдим. Аввалги жамоамга келсак, футболда бундай ҳолат учраб туради. Шу боис бунга ортиқча тўхталишни лозим топмайман.
"Хоразм"даги кўп футболчилар менга бегона эмас, улар билан аввал ҳам бирга тўп тепганман. Шу боис мослашиб кетишда муаммога дуч келганим йўқ. Умид қиламанки, "Хоразм" Суперлигада барқарор жамоа бўла олади. Юқори лигада муносиб қатнашиш учун ҳозир кучли тайёргарлик олиб бормоқдамиз. Ҳаммаси яхши кетмоқда.
Суперлигада жамоалар савияси деярли тенглашган. Ҳамма нарса жамоанинг кайфияти ва иштиёқига боғлиқ", – дейди Владимир Бубанья.

Абдулазиз Искандаров ёзиб олди

Владимир Бубанья: "Андижон"дан кетиш? Футболда учраб туради. "Хоразм" Суперлигада барқарор жамоа бўла олади"