"Андижон": Бугун ёшларимиз "Дўстлик" стадионида ўйнайди

Кеча Тошкентга йиғилиб “Ўзбекистон” меҳмонхонасига жойлашган “Андижон” жамоаси “Локомотив”га қарши ўйинга тайёргарликни пойтахтда давом эттирмоқда.

Кеча куннинг иккинчи ярмида жамоамиз Тошкентдаги дастлабки машғулотини ўтказди. Бугун эрталабки машғулот эса “Локомотив” клубига қарашли “Дўстлик” стадионида ўтказилди. Жароҳатлари борлиги сабабли Раҳим Қодиров ва Расул Раҳмонов ҳамда дисквалификацияси борлиги туфайли Даврон Турсуновдан ташқари барча футболчилар машғулотларда иштирок этди.

Бугун “Дўстлик” стадионида ёшлар жамоамиз “Локомотив” ўринбосарларига қарши майдонга тушади. Учрашув соат 17:00да бошланади.

"Нефтчи": Мағлубиятсиз серия давом этадими?

Бугун фарғонанинг "Нефтчи" клуби олий лиганинг 8-турида "Динамо"ни қабул қилади. Превью

Бу мавсумда мағлуб бўлмаган ягона жамоа бўлиб турган "Нефтчи" ўтган турда илк ғалабасини қўлга киритган "Динамо"ни қабул қилади. Фарғона клубининг мағлубиятсиз серияси 8та ўйинга етган. Жамоа ўтган йилнинг охирги турида ҳам мағлуб бўлмаган.

Мурод Исмоилов ва Тачмурод Агамуродов бошчилигидаги жамоалар ўртасидаги баҳс соат 17:00да "Истиқлол" стадионида бошланади.

"Қўқон-1912": Матниёзов ва яна икки нафар йўқотиш бор

Кеча "Ёшлар спорт мажмуаси" стадионида "Қизилқум" билан ўйин олдидан машғулот ўтказилди. Навоий шаҳрида бугун об-ҳаво яхши. Қуёш чарақлаб турибди. Превью

Таркибда йўқотишлар бор. Ҳозирча улардан бири дарвозабон Руслан Матниёзов эканлигини айтиш мумкин. 28 ёшли посбон "Бухоро" ёшларига қарши баҳсда жароҳат олиб сафдан чиққанди. Асосий таркибнинг яна икки аъзоси сафда эмас. Улар кимлар эканлигини ўйин арафасида маълум қиламиз.

Дарвоқе, кеча дуранг қайд этган ёшларимиз Қўқонга қайтиб кетишди.

"Навбаҳор": Ёшларимиз бугун "Насаф" билан ўйнашади

Наманганнинг "Навбаҳор" клуби ёшлари бугун 8-тур ўйинини Қаршининг "Насаф" клубига қарши ўйнайди. Тўрақўрғондаги “Ёшлик” ўйингоҳида ўтказиладиган баҳс 17.00да бошланади.

Ортда қолган 7та турда ёш "лочинлар" 3та ғалабага эришишди. Бир марта дуранг ўйнашди ва 3 бор мағлуб бўлишди. Айни пайтда 10 очко тўплаган "Навбаҳор" ёшлари мусобақа жадвалининг 8-поғонасида бормоқда.

"Водий футболи": Бугун "Нефтчи" Фарғонада, "Қўқон-1912" Навоийда ўйнайди