Бугунги меҳмонимиз собиқ футболчи, мураббий Шуҳрат Раҳмонқулов бир неча соатлардан сўнг старт оладиган Суперлиганинг 9-тури учрашувларига ўз тахмин ва фикрларини билдирди.

— АГМК сўнгги ўйинларда мавсум бошига қараганда анча ўзига келиб олди. Бирин-кетин рақибларини ютиб келяпти. Шундай экан уларда руҳият билан боғлиқ муаммо бўлмаслиги керак. "Бунёдкор"нинг эса ўйини бир ўхшаб қолса ҳеч қандай жамоага имконият қолдирмайди. Исталган жамоа билан ўйнай олади. Агар бугун ҳам шундай бўлса, АГМКга қийин бўлиши аниқ. Қолаверса жамоада бош мураббий ўзгарди. Бу учрашувда нисбатан мезбонларда имконият баландроқ.

— Ушбу учрашувда тенг кучли жамоалар уч очко учун курашади. Тимур Кападзе қўл остидаги ёшлар иштиёққа тўла. Ҳар бир ўйинда охиригача курашмоқда. Фикримча ўйинда дуранг натижа қайд этилади. "Локомотив" уйда ўйнаётгани учун ҳужум қилади. Чиройли футбол кўрамиз.

— "Металлург" таркибида "Динамо"га қараганда тажрибали футболчилар талайгина. Менимча, бу ўйинда барибир тажриба ўз сўзини айтса керак.

— Водий дербиси. "Навбаҳор" - "Нефтчи" иштирокидаги ўйинлар доим диққат марказида бўлиб келган. Ўзим ҳам бундай атмосферадаги учрашувларда тўп тепганман. Бу беллашувда "Навбаҳор" фаворит. Мезбон, мухлислар, сўнгги ўйинлардаги кўтаринкилик бунга мезбонларга ёрдам бериши мумкин. Бироқ "Нефтчи" футболчилари ҳам қараб турмайди. Курашади, қаршилик кўрсатишга уринади. Охирги ўриндаги жамоа учун ҳар бир ўйин финал ҳисобланади. Йўқотилган ҳар бир очко кейинчалик таъсирини ўтказади. Илҳом Мўминжонов, қолган барча мураббийларга имконият, вақт бериш керак. Ҳозирги шароитда фақат фурсат қилиш зарур.

— Бугунги кунда "Насаф" футболчилари айни зўр спорт формасида. Улар ёниб турибди. "Қизилқум"да тажрибали ва маҳоратли футболчилар кўп. Устунлик "Насаф"да. Навоийликлар эса бу ўйинда фақат тажриба ёрдам беради.

— "Қўқон-1912"га айни пайтда иштиёқ ва ўзига бўлган ишонч қайтган. "Локомотив" билан ўйиндаги ғалаба улар учун фойдага ишлаши табиий. Бахтиёр Ашурматов Қўқонда яхши жамоа шакллантирган. Курашувчан таркиб йиғган. Яйпанда жанговар дуранг кўришимизни тахмин қиламан. Учрашув Қўқонни ўзида ўтганида балки ғалабага имконият кўпаярди.

— Қисқача айтсам, қизиқарли футбол гувоҳига айланамиз. "Сурхон" "Пахтакор" билан ўйинда мағлубиятдан қутулиб қолди. Характер кўрсатишди. "Сўғдиёна" рақибига қараганда анча шаклланиб улгурган.

Муаллифнинг телеграм канали - Интервьюлар олами

"Водий дербисида "Навбаҳор" фаворит. Лекин..." — Суперлига 9-тур олдидан мутахассис фикри