- Эрон терма жамоаси эртага чорак финал йўлланмаси учун Марокашга қарши баҳс олиб. Жамоангиз эртанги учрашувга қанчалик тайёр?

- Биз тайёрмиз. Икки нафар футзалчимиз сариқ карточкалар сабаб олдинги учрашувни ўтказиб юборишганди, эртанги учрашувда улар яна майдонга туша олишади. Грипп билан оғриган футзалчиларимиз ҳам тикланишди. Машғулотларимизни тўлиқ таркиб билан ўтказмоқдамиз. Қизиқарли ва мухлисларга ёқадиган ўйин намойиш эта олишимизга ишонаман. Эртанги баҳс ФИФА рейтингида учинчи ва олтинчи жамоалар ўртасидаги баҳс бўлади. Португалия - Қозоғистон баҳси ҳам худди шундай. 1/8 финал босқичида иккита кучли жамоа ўз иштирокини якунлайди, афсуски.

- Айни дамда кўпчилик, учинчи турдаги Франция қарши кечган учрашувни танқид қилмоқда. Икки жамоа "келишилган" ўйин ўтказишди деган фикрлари кўп янграмоқда. Танқидчиларга жавоб бериб ўтсангиз?

- Биз 4:1 ҳисобида ғалаба қозондик. Яна нима қилишимиз керак эди? Бизни танқид қилаётганларга жавоб беришга мажбур эмасман. Бу менинг вазифам эмас. Биз гуруҳ босқичини 9 очко, яъни 100% фоизлик натижа билан якунладик. Франция қарши ўйиндан олдин бизда нечта йўқотишлар борлигини айтиб ўтгандим, шунга қарамай биз ўйинни назорат қилдик. Иккинчи бўлимда эса ўз даражамизни намойиш этдик ва ғалаба қозондик.

- Ўзбекистон терма жамоаси Жаҳон чемпионатидаги иштирокини жуда эрта якунлади. Ўзбекистоннинг иштироки ҳақида гапириб ўтсангиз?

- Ўзбекистон ва Тожикистон терма жамоаларнинг натижалари мени хафа қилди. Ўзбекистон терма жамоасидаги бир нечта асосий футзалчиларнинг жароҳат олгани якуний натижага таъсир қилди. Икки мамлакатда ҳам футзал ривожланиб бораётгани аниқ. Ўзбекистон Жаҳон чемпионатига мезбонлик қилаётгани бунга яққол исбот бўла олади. Афсуски, улар кейинги босқичга чиқа олишмади, аммо Афғонистон плей-оффга йўл олди.

- Эртанги муҳим учрашув олдидан мухлисларга нималар демоқчисиз?

- Биз энг яхши ўйинимиз орқали, байроғимизни янада баландроқ кўтаришга ҳаракат қиламиз. Паркетда бор кучимизни берамиз. Марокаш терма жамоаси ҳам жуда кучли ва биз уларни ҳурмат қиламиз. Рақиб нималарга қодир эканлигини биламиз. Ғалаба қозониш учун боримизни берамиз.

Абдулвосит Бектемиров суҳбатлашди

Эслатиб ўтамиз, Эрон футзал терма жамоаси Жаҳон чемпионати чорак финал баҳси доирасида Марокашга қарши баҳс олиб боради. Учрашув эртага соат 17:30 Бухородаги "Универсал" спорт комплексида бўлиб ўтади.

хородаги "Универсал" спорт комплексида бўлиб ўтади.

Воҳид Шамсаи: "Биз энг яхши ўйинимиз орқали, байроғимизни янада баландроқ кўтаришга ҳаракат қиламиз"