Хаби Алонсо футболчилик вақтида ҳам "Ливерпуль", ҳам "Реал Мадрид" шарафини ҳимоя қилган ва бўлажак финалда кимга мухлислик қилишни билмаётганини маълум қилди.

"Менга Юрген "Ливерпуль" - "психология йиртқичлари" дейиши ёқади, сабаби улар қилаётган иш осон эмас, улар эса буни бир неча мавсумдан буён бажариб келмоқда – уларнинг характери шундай".

Бироқ бошқа томондан — финал. Айнан финалда характерни намойиш қилиш муҳим. Сабаби рақиб — "Реал Мадрид" — улар ҳам характерга эга йиртқичлардир. Шундай экан бизни ажойиб футбол, дахшатли тўқнашув кутмоқда".

"Мадрид" кутмайди. Улар сенга бир томондан зарба беради, кейин иккинчи томондан, кейин сен ўзингни ерда кўрасан, улар эса баҳс тизгинини ўз қўлларига олишади. Шунга ўхшаш вазиятни "Мадрид"нинг "Сити"га қарши ўйинида кўриш ёқимли эди".

"Мен бу қарама-қаршиликда ўртадаман, шунинг учун ҳар қандай натижада ҳам мен ғолиб бўламан".

"Бу икки буюк клуб тўқнашуви. Ҳар иккиси ғалабага лойиқ. Мағлуб бўлганларни қўллаб-қувватлайман, аммо нима бўлганда ҳам ҳар икки жамоани олдинда кўплаб ғалабалар кутмоқда. Бу Чемпионлар Лигаси финали, шундай экан шунчаки завқланинг".

Хаби Алонсо: "Мадрид" кутмайди. Улар сенга бир томондан зарба беради, кейин иккинчи томондан, кейин сен ўзингни ерда кўрасан"