Ла Лига президенти Хавьер Тебас "Барселона"нинг ЕЧЛдан чиқиб кетиши қандай оқибатлар келтириб чиқариши ҳақида гапириб ўтди. "Барселона" ЕЧЛдан чиқиб кетганидан сўнг клубда молиявий қийинчиликлар пайдо бўлиши мумкинлиги борасидаги саволга ҳам Тебас жавоб қайтарди.

"Йўқ, қийинчиликлар бўлмайди. "Барселона" нотўғри тақсимланган маошларини қисқартиришлари кераклигини аввалдан билишарди. Ушбу мавсум "Барса" шу ишга қўл урди.

Гап бутун Европа футболи ҳақида кетмоқда. Бизнинг иқтисодий назоратимиз - ҳақиқий экосистема. Европада нима бўлмоқда? Иккита ўзаро тенг лига бор, булар Ла Лига ва Бундеслига. Бу лигадаги клублар барқарор.

Бошқа лигаларга назар солсак, улар даромадсиз эканлигини кўришимиз мумкин. АПЛ, А Серия ва Франция чемпионати шулар жумласидандир. АПЛ тўрт йилдан бери ҳар мавсумни икки миллиард евро зарар билан тугатмоқда. Франция - 1.5 млрд евро, А Серия эса 1.2 млрд евро зарар кўрмоқда. Уларнинг раҳбарлари асосан америкаликлар.

Шайхлар ва америкаликларга шунчаки овунчоқ керак, бу эса Европа футболи экосистемасини бузмоқда. Биз ўз танловимизни амалга оширишимиз керак. Биз молиявий барқарор лигалар яратамимиш керак ёки клублар зарарга киришларига имконият берамиз. Бу ҳолатда Баҳрайн Испанияга келади, футбол эса бутунлай ўзгаради", -дейди Хавьер Тебас.

Хавьер Тебас: "АПЛ, А Серия ва Лига 1 даромадсиз чемпионатлар. Шайхлар ва америкаликларга шунчаки овунчоқ керак"