Ушбу учрашув иккинчи маротаба Рим Папаси Францискнинг ташаббуси билан ўтказилмоқда.

Ўйин 12 октябрь куни Римдаги Олимпия стадионида бўлиб ўтди ва баҳсда Роналдиньонинг жамоаси 4:3 ҳисобида Марадона жамоасини мағлуб этди. Ғолиблар таркибида Фредерик Кануте, Боян Кркич, Эрнан Креспо ва Фернандо Кавенаги гол уришди. Кўклар сафида эса Антонио Ди Натале, Франческо Тотти ва Николас Бурдиссо ўз номини таблога ёздириб қўйди.

Учрашувдан йиғилган пуллар гуманитар мақсадларда ишлатилади. Маблағнинг бир қисми 24 август куни қаттиқ зил-зиладан жабр чеккан италияликларга хайрия қилинади.

Хайрия учрашувида Роналдиньонинг жамоаси Марадона жамоасини мағлуб этди (+фото)