Хўш, мазкур жамоа қандай даражадаги хорижлик футболчиларнинг хизматидан фойдаланади.

Кўпи ўзбекистонлик

Тожикистонда ҳар бир 7 нафар хорижлик футболчининг хизматидан фойдалана олади. “Хўжанд” сафида 2 нафар россиялик ва 5 нафар ўзбекистонлик футболчи бор. Хусусан, ўзбекистонлик легионерлар сифатида Дилмуҳаммад Очилов, Самандар Очилов, Фирдавс Абдусалимов, Шаҳбоз Салимбоев ва Хушнуд Бозоров рўйхатдан ўтказилган. Самандар Очилов ва Фирдавс Абдусалимов ўтган мавсумдан буён “Хўжанд” шарафини ҳимоя қилиб келади. Шаҳбоз Салимбоев, Хушнуд Бозоров ва Динмуҳаммад Очилов яқинда клуб сафига бориб қўшилди. Шуни қўшимча қилиш керакки, Динмуҳаммад ва Самандар Очилов ака-ука ҳисобланади.

Хушнуд Бозоров эса мавсумнинг биринчи қисмини Ўзбекистон биринчи лигаси иштирокчиси “Дўстлик-Олтиариқ” клубида ўтказганди.

Қолган икки россиялик легионерлар ярим ҳимоячи – Cергеи Гаранжа ва ҳужумчи Сергеи Цканьян ҳам рўйхатдан ўтказилган.

Гаранжа 1995 йилда туғилган. Ҳужумкор ярим ҳимоячи сифатида майдонда тўп тепади. Фаолиятини асосан Россияда ўтказган.

Цканьян ҳужум амплуасида тўп тепади. 1997 йилда туғилган. Фаолияти давомида асосан Россиянинг қуйи лига жамоаларида ўйнаган. У баҳсдан олдинги матбуот анжуманида ҳам қатнашди.

⚡️ “Хўжанд” сафидаги легионерлар ҳақида