Севилья даҳшати

G гуруҳи

Бу жуда оддий эшитилади, аммо Холанд яна гол урди. Икки марта. Ҳа, яна ўзининг фаоллиги билан Хочолаванинг автоголига сабабчи бўлди. Норвегиялик Чемпионлар Лигасида 22та ўйинда 28та гол урган ҳолда, гол машинасига режимида ишламоқда. У бир ўйинда ўртача 1,27та гол урмоқда ва Opta'нинг ҳисоблашича, Холанд бу кўрсаткич билан асосий еврокубокда иштирок этган 98та жамоадан ўзиб кетган. "Манчестер Сити" бундай снайпер билан кейинги турда плей-офф масаласини ҳал қилиши керак.

ВИДЕО ЕЧЛ. "Манчестер Сити" - "Копенгаген" 5:0

Мавсумда муваффақиятсизликка учраётган "Севилья" тезда тўп ўтказиб юборди, сўнгра бир киши кам бўлиб қолишига бир баҳя қолди, ўша вазиятда ҳакам мудофаага ёрдам берган форвард Эн Несирини четлатмоқчи бўлган. Вазиятни ВАР тўғирлади ва "Боруссия"нинг қарши ҳужумчи қоида бузилиш билан бошланган деб топди ва "ўйинга қайтган" марокашлик гол уришга ҳам эришди. Аммо, бундан маъно бўлмади, сабаби андалусияликлар ўйинни ўзгартириб ташлаш учун бошқа имкониятлардан фойдала олишмади ва танаффусга қадар жиддий устунликка эришган дортмундликлар ўйиннинг боришини ишончли тарзда назорат қилишди. Хулен Лопетегининг бундай мағлубиятдан сўнг истеъфога чиқарилиши муқаррар эди.

ВИДЕО ЕЧЛ. "Севилья" - "Боруссия Д" 1:4

11 октябрь, "Копенгаген" — "Манчестер Сити", "Боруссия" — "Севилья".

Родриго натижани белгилаб берди

F гуруҳи

Кутилмаганда "Осасуна"га қарши Ла Лига ўйинида қоқилган мадридликлар "Шахтёр"дан устун келишди. Зубков жароҳат олган Куртуанинг ўрнига майдонга туширилган ҳамюрти Лунинни голи билан хафа қилди, аммо бу ўйиннинг натижасига таъсир ўтказмади. Аммо, Мудрик иккинчи бўлим бошидаги юришини голга айлантириши мумкин эди.

Умуман, "Реал"нинг даражаси яққол сезилиб турди, Чемпионлар Лигасида ажойиб ўйнайдиган Родриго эса ушбу мусобақадаги 11-голини урди ва унинг 21 ёшида "қаймоқранглилар" афсонаси Раулнинг натижаси билан тўғри келади. У бундан ташқари Винисиус Жуниорга ассист ҳам ижро этди. Карло Анчелотти кеча "Сантьяго Бернабеу"да Чемпионлар Лигасидаги 102-ғалабасини қўлга киритди ва бу билан Алекс Ферюгсоннинг рекордини такрорлади.

ВИДЕО ЕЧЛ. "Реал Мадрид" - "Шахтер" 2:1

Ушбу жуфтлик ушбу ҳафтада плей-оффдаги ўрин учун кураш олиб боришади. "Лейпциг" кеча дастлабки дақиқаларданоқ "Селтик"дан яхшироқ кўринди. "Буқалар"ни дарвозабон Гулачининг жароҳат олиши ҳам тўхтатиб қолмади ва улар танаффусга қадар иккита гол уришди. Аммо, Нкункунинг голи офсайд сабаб бекор қилинди, Вернер эса яна бир бор имкониятларни барбод қилишдаги ноёб қобилиятини эслатиб қўйди.

"Селтик" иккинчи бўлимни гол билан бошлади ва "Лейпциг" барчасини бошқатдан бошлашига тўғри келди. Шу билан бирга мезбонларга штанга ёки Собослаининг бекор қилинган голи вазиятларида омад келмади. Аммо, "Селтик" посбони Харт "қовун туширди". Англиялик бу мавсумда умуман омади келмаётган Андре Силвага голни туҳфа этди.

ВИДЕО ЕЧЛ. "Лейпциг" - "Селтик" 3:1

11 октябрь. "Селтик" — "Лейпциг", "Шахтёр" — "Реал".

Забт этилмаган Лиссабон

H гуруҳи

"Да Луж"даги ўйин турдаги энг асосийларидан бўлди, сабаби "Бенфика" ПСЖ каби мавсумни йўқотишларсиз ўтказаётганди. Агар Доннарумма бўлмаганида, парижликлар биринчи тайм ўрталаридаёқ ноқулай вазиятга тушиб қолишлари мумкин эди. Аммо, дарвозабон иккита қийин вазиятда жамоасини қутқарди, Мбаппе, Неймар ва Мессининг ажойиб комбинацияни якунловчи голини вазиятдан фойдаланиш бўйича мастер-классда ишлатса бўлади.

"Бенфика" Лео учун Чемпионлар Лигасида дарвозаси ишғол этилган 40-жамоа бўлди. Аммо, парижликлар сўнгг вақтларда кичик фарқ билан ютаётган бўлсалар ҳам, бу ғалаба учун етарли бўлмади. Аммо, Лига 1да иш бераётган нарса, доим ҳам Европада етарли бўлмайди. "Бенфика" яхши ҳаракат қилди, "Порту" собиқ ярим ҳимоячиси Данилу Перейранинг автоголи эса мантиқ ғалабасидек кўринди.

ВИДЕО ЕЧЛ. "Бенфика" - ПСЖ 1:1

ПСЖ танаффусдан сўнг яхшироқ ўйнаган бўлса ҳам, жамоа ютқазиши мумкин эди, аммо Доннарумма яна катта саҳнага чиқди, дарвозабон ўйин сўнггида Рафа Силвани тўхтатиб қолди. "Бургутлар" олдингидек қолишди: улар ҳали ҳам ўз уйларида французларга ютқазишмайди. Жумладан, "Да Луж"да икки мағлубиятдан сўнг дуранг ўйнаган Париж жамоасига ҳам.

Омадсизликдаги "Ювентус" охир-оқибат ғалабага эришди. Кимдир бу "Маккаби"ку дейиши мумкин, аммо Массимилиано Аллегри учун бир неча позитив вазиятлар бор. Биринчидан, "бьянконери" уч кун олдин А Серияда "Болонья" (3:0)ни мағлуб этди ва бу 31 августдан бери илк ғалаба бўлди. Иккинчидан, терма жамоага бориб келганидан сўнг Ди Мария очилиб кетди. Чоршанба кунги ўйинда аргентиналик барча голга ассистентлик қилди. Мукаммалликка қадар ҳали анча бор, аммо туннел сўнггидаги ёруғлик кўринмоқда.

ВИДЕО ЕЧЛ. "Ювентус" - "Маккаби" 3:1

11 октябрь. "Маккаби" — "Ювентус", ПСЖ — "Бенфика".

"Зальцбург" плей-офф ҳудудида

E гуруҳи

Аҳмоқона тарзда қоида бузилиши Зальцбургдаги ўйин тақдирини ҳал қилди, пенальтидан фойдаланган Окафор эса гуруҳ босқич босқичидаги дастлабки учта ўйиннинг барчасида гол урган илк ўйинчига айланди. Австрия чемпиони биринчи даврадан сўнг плей-офф босқичи ҳудудида.

ВИДЕО ЕЧЛ. "Зальцбург" - "Динамо Загреб" 1:0

"Қизил-қоралар" бу ўйинда Майк Меньян, Симон Кьер, Тео Эрнандес, Давида Калабрия, Алесис Салемакерс, Жуниор Мессиас, Алессандро Флоренци ва Златан Ибрагимовичнинг хизматларидан фойдалана олишмади. Ўйинда бу билан нима бўлишини кутиш қийин бўлди — якунда "Милан" жуда заиф кўринди.

Меҳмонлар қисқа паслар билан ўз жарима майдончаларидан чиқиб кетишга уринишди, аммо бу яхши чиқмади. Бу эса "Челси"нинг голига олиб келди. Лондонликлар кўплаб бурчак зарбаларидан сўнг Уэсли Фофана орқали ҳисобни очишди. Меҳмонларга ўйинда тезлик етишмади. Бунга ёрқин мисол иккинчи гол бўла олади. "Милан" футболчилари Рис Жеймснинг қанотдан узатган пасидан сўнг нима қилишни билмай қолишди. "Челси" тарбияланувчиси Фикайо Томорининг ҳам ўйини чиқмади. Учинчи голга Стерлингнинг пасидан сўнг Жеймс муаллифлик қилди.

ВИДЕО ЕЧЛ. "Челси" - "Милан" 3:0

11 октябрь. "Динамо" — "Зальцбург", "Милан" — "Челси".

Алишер Остонов таржимаси

Холандни тўхтатиб бўлмаяпти, Анчелотти Фергюсоннинг рекордини такрорлади ва Мессида янги ютуқ