Норвегиялик форвард "шаҳарликлар" билан 2034 йилгача мўлжалланган шартномага имзо чекди. Футболчи бонусларсиз ҳафтасига 500 минг фунт олиши эълон қилинган эди.

2022 йилда Холанд Дортмунднинг "Боруссия"сидан "Сити"га ўтганида унинг бонуслар билан қўшилгандаги ҳафталик маоши 865 минг фунт бўлиши айтилганди. Ўша битим шартларига кўра, 24 ёшли ҳужумчи Европанинг етакчи футболчиларига мос даражада маош олган. Бироқ кафолатланган бонуслар, содиқлик учун тўловлар ва имиж ҳуқуқларидан келадиган пуллр уни Англиядаги энг кўп даромад топадиган футболчига айлантирган.

Маълумотларга кўра, янги битимда ҳам ўша шартлар мавжуд, бироқ ҳафталик тўлов 1 млн. фунтдан кўпроқни ташкил қилади.

Келишув даврини ҳисобга олсак, Холанднинг "Сити" билан шартномаси футбол тарихидаги энг йиригидир.

Холанднинг "Сити" билан шартномаси - футбол тарихидаги энг йириги