Испания Ла Лигасининг 7-тури доирасидаги Мадрид дербисида ҳисоб очилмаган эди. Бу билан “Қироллик клуби” “Барселона”нинг қоқилишидан фойдалана олмаганди.

“Нега “Реал” ғалаба қозона олмади? Жавоби оддий: чунки, биз гол ура олмадик. Лекин шунга қарамай, жамоамиз ёмон ўйин намойиш этмади. Футболчилар характер кўрсатишди. “Атлетико” зўр ўйнади дея олмайман. Улар бизнинг хатолардан фойдаланишди, холос.

“Реал” иккинчи ўйиндирки, гол ура олмаяпти. Аммо, бундан тушкун ҳолатга тушмаслик керак. Мен яхши ният билан келажакка қараяпман. Ҳаммаси яхши бўлади”, - деди Лопетеги AS нашрига берган интервьюсида.

Маълумот учун, “Реал” 14 очко билан турнир жадвалида 2-ўринни эгаллаб турибди. “Атлетико” 12 очко билан 4-поғонадан жой олган. “Қаймоқранглилар” кейинги учрашувни сафарда “Алавес”га (6 октябрь) қарши ўтказишади. “Матрасчилар” эса уйда “Бетис”ни (7 октябрь) қабул қилишади.

Хулен Лопетеги: “Атлетико” билан ўйинда характер кўрсатдик”