Бундан бир неча дақиқа аввал Москвада эртанги ўйин олдидан матбуот анжумани бўлиб ўтди. Унинг илк қисмида меҳмонлар устози иштирок этди.

“Биз учун ЕЧЛнинг ҳар бир ўйини муҳим. ЦСКА - кучли рақиб, таркибида ижрочилар етарли. Лекин биз бу ерга ғалаба учун келганмиз. “Лужники” стадиони Россиядаги энг кўркам ва замонавий ўйингоҳлардан бири.

Ўйиндан-ўйинга кучайиб боряпмиз. Янада яхшироқ ўйнаш учун ички захирамиз етарли. Эртага қанча кўп хавфли вазиятларни юзага келтирсак, дарвозани ишғол қилиш ҳам осонлашади.

Ҳа, айрим етакчи футболчиларимиз жароҳатлари сабаб кела олишмади. Майдон эгалари ҳам 4-5 ҳимоячи билан ўйнайди. ЦСКА сафига Магнуссон қайтди. Қолган ўйинчилари ҳам хавфли. Москваликлар илк учрашувда ҳам ёмон таассурот қолдиришмади. Эртага мухлисларни ажойиб футбол учрашуви кутмоқда”, - деди Лопетеги.

Хулен Лопетеги: “ЦСКА - кучли рақиб, лекин биз Москвага ғалаба учун келдик”