"У бизнинг сардор ва буни ўйин вақтида ажойиб тарзда уддалайди. Рамос бизнинг таркибда эканлиги яхши. Буюк жамоа сардорлари бор, Серхио - улардан бири", - дея Хулен Лопетеги шогирдига ишонч билдирди.

Шунингдек, Лопетеги "Камп Ноу" стадионидан уч очко билан ортга қайтишни режалаштираётгани ҳақида айтиб ўтди.

"Имкониятлардан максимал даражада фойдаланишимиз керак. Бундай ўйинларда майдоннинг барча зоналарида тўп билан кўпроқ муомалада бўлиш талаб этилади. Бу ҳимоячиларга ҳам, ҳужум чизиғи вакилларига ҳам тегишли. Истеъфо? Ҳозир менинг бор эътиборим "Барселона" билан бўладиган учрашувга қаратилган. Муҳлисларнинг нима дейишаётганини билмайман. Чунки, уларнинг фикри ғалаба қозонишимиз учун ёрдам бермайди", - деди испаниялик мутахассис.

Яна бир бор эслатиб ўтамиз, Пике - Рамос тўқнашуви бугун, 28 октябрь Тошкент вақти билан 20:15да старт олади.

Хулен Лопетеги: "Рамос - ҳақиқий сардор"