Аргентиналик футболчига "Манчестер Юнайтед" қизиқиш билдирмоқда. "Қизил иблислар" ҳужумчини асосий трансфер мақсади сифатида белгилаган. МЮ раҳбарияти барча йўллар билан Альваресни клубга ўтишга кўндиришга ҳаракат қилмоқчи.
Хулиан Альварес 2024 йилнинг ёзида "Манчестер Сити"дан 75 миллион евро эвазига "Атлетико"га ўтганди. Унинг мадридликлар билан шартномаси 2030 йилнинг 30 июнига қадар имзоланган.
Жорий мавсумда аргентиналик футболчи "матрасчилар" сафида барча мусобақаларда 25 та ўйинда майдонга тушиб, 11 та гол урди ва бешта голли узатмани амалга оширди. Transfermarkt портали форвардни 100 миллион еврога баҳоламоқда.
