Мезбонлар сардори Том Локьер майдонда хушини йўқотиб, майдонга йиқилди. Шундан сўнг унга шифокорлар тез тиббий ёрдам кўрсатишди. Учрашув эса ушбу дақиқадан тўхтатилди.

"Лутон Таун" матбуот хизмати футболчига нима бўлгани ҳақида расмий баёнот берди:

"Тиббиёт ходимларимиз жамоа сардори майдонда юрак хуружига учраганини, бироқ у замбилда олиб кетилган пайтда тузалиб кетганини тасдиқлашди.

У стадионнинг ўзида хушига келди, бунинг учун ҳар икки томоннинг тиббий жамоаларига яна бир бор миннатдорчилик билдирамиз.

Том касалхонага ётқизилди, унинг аҳволи барқарор ва ҳозирда оиласи даврасида қўшимча текширувлардан ўтмоқда.

Биз барчага кўрсатган қўллаб-қувватлашлари, ҳавотирлари ва Локьерга айтган илиқ сўзлари учун миннатдорчилик билдирамиз".

Хушидан кетган "Лутон Таун" сардорига нима бўлган эди?