Ёдингизда бўлса, Сергеев Осиё Кубогининг 3-тури доирасида шу йилнинг 23 январь куни Австралияга қарши ўтказилган ўйинимизнинг 84-дақиқасида жароҳат олган эди. Кейинчалик ҳужумчи Доҳадаги "Аспетар" шифохонасида америкалик таниқли жарроҳ шифокор Зикриа Башир томонидан муваффақиятли операция қилинган эди.
Орадан салкам 10 ой вақт ўтиб Сергеев ўз клуби "Патум Юнайтед"нинг ўйин қайдномасидан жой олди. Бироз аввал "Патум Юнайтед" Таиланд кубоги доирасида "Порт ФК" меҳмони бўлди ва 2:1 ҳисобида ғалаба қозонди. Игорь эса узоқ танаффусдан кейин яна қайдномага қайтди. Лекин, бугунча у майдонга туширилмади.
Умид қиламизки, Игорь Сергеев тез орада майдонга ҳам тушади ва ўз ўйини билан мухлисларни яна мамнун қилади.
Изоҳлар