Ламин Ямал "Эл Класико"да иштирок этиши мумкин. Аввалроқ "Барселона"нинг қанот ҳужумчиси чов соҳасидаги ноқулайлик туфайли Испания терма жамоаси таркибидан чиқарилган эди. Каталония жамоасининг бош мураббийи Ханс-Дитер Флик 18 ёшли футболчининг "Реал"га қарши ўйнаши ёки ўйнамаслиги ноаниқ эканлигини айтган эди.

Marca нашри хабар қилишича, Ямал имкон қадар тезроқ майдонга қайтиш учун жадал тикланиш жараёнидан ўтмоқда. Клубдагилар унинг 18 октябрь куни "Жирона"га қарши ўйинда иштирок этишини кутишмоқда, аммо у бутун ўйин давомида майдонда бўлмайди.

Шундай қилиб, агар ҳеч қандай асорат юзага келмаса, Ламин "Олимпиакос" ва "Реал"га қарши ўйнайди - бу ўйинлар мос равишда 21 ва 26 октябрь кунлари бўлиб ўтади.

Ямал "Реал"га қарши ўйнаши кутилмоқда