"Айтиш мумкинки, бугун майдонга янги шаклланаётган жамоа тушди. Сабаби футбол жамоавий ўйин ва унда барча нарса бир-бирига боғлиқ бўлиши керак. Ҳимояда ҳам, ҳужумда ҳам шундай.

Ўзбекистонга қарши баҳсни яхши бошладик ва тезкор гол уришнинг уддасидан чиқдик. Кейин бир оз ҳаракатни камайтирдик. Одатда икки турли дивизионда ўйнайдиган швед клуби ўзаро тўқнаш келса, улар ўртасидаги асосий фарқ тезликда бўлади. Бугун ҳам шундай бўлди. Фарқ тезликда бўлди.

Иккинчи таймда тезликни йўқотдик ва секинлашдик. Кейин ўйинни рақиб назорат қилишга уринди. Рақиб қарши ҳужумга ўтганида бизда жамоа йўқ эди, шунчаки футболчилар бир-бирини ортидан қувишди", – деди Янне Андерссон.

- Ўзбекистон терма жамоаси ҳақида нималар дея оласиз? Қайси ўйинчи сизда яхши таассурот қолдирди?

- Умуман олганда, Ўзбекистон жуда яхши жамоа экан. Тўп билан яхши ҳаракат қилди. Ўйинчиларга келсак, дарвозамизни ишғол қилган ҳужумчи менда ажойиб таассурот қолдирди. 14-рақамли ўйинчи (Элдор Шомуродов – championat.asia) жуда кучли ҳужумчи экан. Мен Ўзбекистон термаси устидан ғалаба қозонганимиздан мамнунман.

Янне Андерссон: "Шомуродов жуда кучли ҳужумчи экан"