Шулардан бири Япониянинг "Asahi TV" мухбири Йота Нагахата. Маълумки, Ўзбекистон терма жамоаси "F" гуруҳида Японияга қарши баҳс олиб боради. Шу боис япон журналистининг фикрлари биз учун қизиқ бўлди.

- "Қуръа яхши ўтди. Барча гуруҳлар тенг деб ўйлайман. Албатта, мени биринчи навбатда Япониянинг қайси гуруҳга тушиши қизиқтирди. Гуруҳимиз яхши кўриниш олди, биринчи-иккинчи ўринлар учун Ўзбекистон ва Япония курашади. Япония турнир ғолиблигини қўлга кирита оладими? Бир нарса дейиш қийин, чунки бизнинг терма жамоада ўйнаётган кўп футболчиларнинг ёши катта ва уларнинг аксарияти Жаҳон чемпионатидан кейин фаолиятини тугатса керак. Кейин эса ёшлардан янги жамоа тузиш керак бўлади".

- "Ўзбекистон ўзига яраша кучли жамоа. Бу жамоага қарши ўйнаш биз учун ҳам қизиқ бўлади. Менимча, бу сафар Осиё Кубогини Ғарб вакили ютса керак. Тахминим БАА ёки Саудия Арабистони. Балки Эрон бўлиши мумкин. Чунки мусобақа Ғарбда ўтказилади ва эътибор ҳам кўпроқ ғарбликлар томонига бўлади. Япония терма жамоасини ҳозир маҳаллий мураббий мундиалга тайёрламоқда. У аслида мураббий эмас, балки менежер сифатида биламиз. Лекин федерация шу қарорга келиб терма жамоага тайинлади. Воҳид Халилходжич яхши иш олиб бораётганди, бироқ у охирги пайтларда футболчилар ҳамда федерация раҳбарлари билан жанжаллашадиган бўлиб қолганди. Шу боис тезда истеъфога чиқарилди".

Х.Холиқов, Дубайдан махсус.

Япониялик журналист: "Менимча, Осиё Кубогини бу сафар Ғарб жамоаси ютади"