"Пахтакор"нинг асосий таркибига кира билмаган футболчи "Сантьаго Бернабеу"да кимсан, "Реал Мадрид" дарвозасини ишғол қилди. Бу яшил майдонга илк қадамларини қўяётган ҳар болакайнинг орзуси, шундай эмасми?

Шунингдек, "Реал"нинг мағлуб қилиниши Тирасполнинг "Шериф" клуби тарихидаги энг ёрқин ғалабага айланди. Мазкур жамоа ҳанузгача қитъа грандларини мағлуб қила билмаган эди.

Қуйидаги жадвалга эътибор қилсангиз, тирасполлик мухлислар ҳаётидаги энг яхши кунларни яшаётгандек таассурот пайдо бўлади. Мудом камтарин бўлиб келган "Шериф" манманликни бошлаб юборди. Жамоа "Интер" (Милан), "Реал" (Мадрид), "Шахтёр" (Донецк) бор гуруҳда етакчилик қиляпти.

Шу ўринда савол туғилади: "Шериф" бунга қадар "Реал" даражасидаги клублар билан тўқнашганми эди? Йўқ. Молдова клуби ЕЧЛ саралаши ва Европа Лигаси баҳсларида қарши чиққан энг кучли ва номдор жамоалар турк, рус ва нидерланд жамоалари бўлган.

Трисполликлар бунга қадар топ-лигалар вакили билан 2 бор тўқнаш келишган. Европа Лигаси квалификациясида "Марсель" билан (2012) ва мусобақанинг гуруҳ босқичида "Тоттенхэм" билан (2013).

Энг қизиғи, айни пайтда "Насаф" шарафини ҳимоя қилаётган Марко Станоевич ўша йилларда "Шериф"нинг етакчиси ҳисобланарди.

Биласизми, "Шериф" Европа Лигаси 2013 йилги мавсумининг гуруҳ босқичида "Анжи" билан ҳам тўқнаш келган. 28 ноябрь куни Маҳачқальада ўтказилган ўйинда жамоаларни Марко Станоевич ва Одил Аҳмедов сардор сифатида майдонга бошлаб тушган эди.

Мезбонларга аталган турдан қизиқ рақамлар: гол, карточка...

Яхшибоев ва "Насаф"даги Маркони нима боғлаб турибди?