Бу бежиз эмас албатта. Боиси “Йилнинг энг яхши ёшлар мураббийи” номинацияси ғолиби – Рўзиқул Саъдуллаевич бўлди. Бир неча йиллардан буён “Насаф” бош мураббийи сифатида ёшлар билан ишлаб, ижобий натижаларга эришиб келаётган мураббий бу борада бошқаларга ўрнак бўлмоқда десак янглишмаган бўламиз. Ўзбекистон олимпия терма жамоасига “Насаф” жамоасидан ўн нафар футболчи жалб этилгани ҳам фикримизни тасдиқлайди.

Тақдирлаш маросими давомида Бердиев “Насаф” жамоасининг 2019 йилдаги “Фейр плей” совринини ҳам қабул қилиб олди.

Тадбир якунига етгач, Рўзиқул Саъдуллаевич сайтимизга интервью берди.

- Очиғини айтганда, тақдирлаш маросимида “Йилнинг энг яхши ёшлар мураббийи” номинацияси эълон қилиниши мен учун кутилмаган воқеа бўлди. Номинация ғолиби қай тарзда аниқлангани ҳам менга қоронғу. Муносиб кўришибдими, нима ҳам дердим, бундай эътирофдан хурсандман. Барчага маълумки, “Насаф”да клуб инфратузилмасидан келиб чиққан ҳолда, академия тарбияланувчиларига эътибор қаратиб келинмоқда. Бунинг натижасида бир қатор ёшлар бўй кўрсатиб, турли ёшдаги терма жамоаларимиз таркибидан ўрин олмоқда. Ватанимиз бош жамоаси учун футболчи етказиб бераётган эканмиз, бундан ғурурланамиз ва келгусида ҳам бундай шарафли вазифани бажаришга бор кучимизни ишга соламиз.

- “Насаф” жамоаси кетма-кет икки йил “Фейр-плей” совринини ҳам қўлга киритди. Албатта ҳар гал шогирдларимга тартиб-интизом бўйича ҳам керакли кўрсатмаларни бериб борамиз. Тўғри, футболда қўполликлар ҳам учраб туради ва футболнинг бир қисми. Лекин рақибга хурматда бўлишлик ҳам профессионалликдан далолат беради. Шу бўйича қўл остимдаги йигитларга насиҳат қилиб тураман – дейди Рўзиқул Бердиев.

“Йилнинг энг яхши ёшлар мураббийи” – Рўзиқул Бердиев: “Бундай эътирофдан хурсандман”