Дастлабки баҳсда вакилларимиз йирик ҳисобда ғалаба қозонган бўлса, жавоб учрашувида дарвозалар даҳлсизлиги сақланиб қолди. Ушбу ўйинлардан сўнг Уммон ўсмирлар терма жамоаси бош мураббийи ўз фикрлари билан ўртоқлашди.

- Ўзбекистон ўсмирлар терма жамоаси билан иккита ўртоқлик учрашуви ўтказган бўлсак дастлабкисида йирик ҳисобда мағлубиятга учрадик. Иккинчисида эса нурсиз дуранг қайд этдик. Бу футбол, унда қандай натижа қайд этилишини ҳеч ким билмайди. Бу ўртоқлик учрашуви унда натижа муҳим эмас, энг муҳими футболчиларимизни Ҳиндистонда бўлиб ўтадиган Осиё чемпионатига тайёрлаш.

Ҳозир барча чизиқларимизда муаммолар бор. Мусобақа бошлангунга қадар ушбу муаммоларни бартараф этишга ҳаракат қиламиз. Ўзбекистон ўсмирлар терма жамоаси жуда ҳам кучли. Айниқса еттинчи ва ўнинчи рақамли футболчилар яққол ажралиб туришди. Мен юртингизга тўр маротаба ташриф буюрганман. U – 16 терма жамоаси билан бундан 4, 5 йил олдин ёрдамчи мураббий сифатида Ўзбекистонга ташриф буюрганман. Биз бундан ташқари яна бир нечта ўртоқлик учрашувларида майдонга тушамиз Ўшанда ҳам терма жамоангиз билан ўртоқлик учрашувида майдонда куч синашгандик”, - дейди Уммон терма жамоаси бош мураббийи Ёқуб Сауд Ал Сабаҳи.

Жаҳонгир Сотволдиев

Ёқуб Сауд Ал Сабаҳи: “Ўртоқлик ўйинларида натижа муҳим эмас”