"Бунёдкор" жамоасини ғалаба билан табриклаймиз. Умуман олганда қизиқарли ўйин бўлди. Охирги дақиқагача кураш кечди. 90+5 дақиқада дарвозамиздан гол ўтказиб юбордик. Омад кўпроқ "Бунёдкор"га кулиб боқди",- дейди Ёрқин Назаров.
- "Бунёдкор"нинг биринчи голида ўйиндан ташқари ҳолат бор эди. Ўша вазиятни такроран кўрдингизми?
- Ҳозир йигитлар кўриб чиқишди. Видеода офсайд бор эканлиги кўринди. Нима ҳам қиламиз, гол бўлди. Ўйин тугади, ҳисоб ўзгармайди. Уч очко рақибга ўтиб кетди. Бу борада ҳеч нарса, дея олмайман. Бу билан бизга ҳеч қандай фойдаси йўқ. Навбатдаги ўйинларга тайёрланамиз. Осон ўйинларни ўзи йўқ. Очко олиш осон бўлмаяпти.
- Кетма-кет 3та учрашувда бир хил таркибдан фойдаланган эдингиз. Бугун эса айрим ўзгаришларга қўл урдингиз?
- "Сурхон" билан учрашувни таҳлил қилиб чиқдик. Бир нечта футболчиларга ҳордиқ бериб, бошқа футболчилардан фойдаландик. Кимдир ишончни оқлади. Уларни кўриб олдик. Шунга қараб таркибни танлаймиз. Уларнинг кўпи ёш футболчилар. Барқарорлик етишмайди. Бугун қўйган таркибимиздаги йигитлар охиригача курашди.
- Ҳумоюн Муртозаевни ўйини ўхшамади. Шунга қарамай алмаштирмадингиз...
- Уни алмаштирмоқчи ҳам бўлдик. Иккинчи бўлимда Файзулло Жуманқўзиев жароҳат олди. Катта ҳажмдаги ишни қилмаган бўлса ҳам кўрдингиз охиригача хавфли вазиятларда иштирок этди.
Изоҳлар