“Боруссия” бу шундай катта жамоа эдики ундаги ҳар бир холат менга завқ бағишларди. “Ливерпуль”га келганимда ҳам шундай туйғуларга ошно бўлганман. Ҳа, менга ўшанда “Манчестер Юнайтед” томонидан қизиқиш бўлганди, бу ҳақда айтилганди, аммо у пайтда бу йўлни танлаш мавриди эмасди. Ўшанда “Боруссия” билан уч йиллик келишувим бор эди. Мен уларни ярим йўлда ташлаб кетадиган йигит эмасдим.

“Ливерпуль” билан мутлақ ўзгача ҳолат бўлганди. Илк сонияларданоқ бу жамоа билан ишлашим тўғри қарор эканлигини ҳис қилганман. Мен вазиятга: “Ливерпуль”да вазият яхши эмас, демак ҳаммасини ўз йўлига тушириб оламан”, деган хаёл билан қарамаганман. Балким айрим инсонлар шундай ўйлашлари мумкин, аммо амалда бундай бўлгани йўқ. Бу менинг келишим билан тартибга солинган ҳолат эмас. Барча ишлар ўз-ўзидан бир маромга тушиб бораётганди.

“Манчестер Юнайтед”га қарши баҳс бу катта тарихга эга бўлган дерби. Ҳар иккала жамоа учун қийин матч бўлади. Афтидан “Юнайтед” ҳозир юксак парвозда, улар олдинга қараб шиддат билан интилмоқда, бизда эса муаммолар бор. Аммо идеал формадан узоқда эмаслигимизни ҳис қилиб турибмиз.

Учрашвувни сабрсизлик билан кутмоқдаман, жанговар беллашув бўлади”, деди Клопп.

“Ливерпуль” – “Манчестер Юнайтед” учрашуви бугун 17 январь куни Тошкент вақти билан соат 21:30 да бошланади. Турнир жадвалида “Манчестер Юнайтед” энг асосий таъқибчиси “Ливерпул”ни уч очкога ортда қолдирган ҳолда пешқадамлик қилмоқда.

Юрген Клопп: “МЮ олдинга қараб “учмоқда”, “Ливерпул”да эса муаммолар бор. Бироқ...”