Мазкур машғулотни ўз одатимизга кўра фото мақола сифатида эътиборингизга тақдим этамиз. 17:50да Миржалол Қосимов бошчилигида МТЖ вакиллар "ЖАР" стадионига кириб келишди. Ҳамкасбим Ҳасан Пирмуҳамедов ва Беҳзод Назаров билан бирга МТЖ вакилларини кутиб олган ҳолда уларни суратга тушира бошладик. Бироз ўтиб сафимизни Камолиддин Алимов тўлдирди. МТЖ формасини салобати юқори эканлигига яна бир бор амин бўлдик. Ўз жамоаларида мана-ман деган рақибларга қарши майдонга тушадиган, МТЖга илк маротаба жалб қилинган футболчиларимиз орасида ўзларини ноқулай тутганлар ҳам бўлди. Қаддингизни уринг, келажак Сизларники ёшлар!

Агар олий лига ўйинчиларидан келиб чиқиб айтсак, кечаги таркиб мукаммаллик жиҳатдан анча яхши эди. Келажак учун улар орасига Аҳмедов, Ҳайдаров, Турсунов, Жепаров, Исмоилов, Нестеров, Насимов, Тожиев, Денисов ва Мусаев каби футболчиларимизни қўшиб шакиллантириб борсак ниятларимизга эришишимиз осон бўларди.

Машғулот бошланишидан аввал Миржалол Қосимов 10 дақиқа давомида янги келганлар учун МТЖни яқиндан таништирди. Шундан сўнг 4та гуруҳга бўлиниш лозимлиги айтилди. Барча ўз клубдоши билан гуруҳ бўлаётган пайти, мураббийлаимиз МТЖда гуруҳбозлик бўлмаслиги кераклигини такидладилаб ва гуруҳларни тенг тақсмладилар.

Аввалига "девор" (стенка) машғулоти ўтказилди. Сўнг теннисбол ўйналди. Мағлуб бўлган футболчилар эса ғалаба қозонганларни миндириб югурдилар.

Игнатий Нестеров жароҳат олганлиги боис, МТЖ таркибида 4 нафар дарвозабон кўрикдан ўтяпти. Табиийки улар орасида асосий таркибга кириш учун Александр Лобанов ва Элдор Суюнов каби посбонларнинг имкониятлари юқори.

Эртага терма жамоамиз футболчилари иккига бўлинган ҳолда кичик учрашув ташкил этадилар.

Фото мақола муаллифи: Нодирхўжа Юлдашев

Ютқаздингми, кўтар! МТЖ машғулотларидан фото мақола