"ESPN" хабарига кўра, "Челси" ёздаёқ 24 ёшли хавбекини сотиб юборишга тайёр. Унинг трансферидан клуб энг камида 20 млн евро ишлаб олишни истамоқда. Жамоанинг янги бош мураббийи Маурисио Почеттино ҳам қарорга қаршилик қилмаган.

"Ювентус" эса футболчи билан шартнома имзолаши мумкин. Бунга ҳалақит қиладиган биргина нарса - футболчининг маоши. Пулишич "Челси"да йилига 13 млн евро маош олмоқда. "Юве" эса унга бунча маош беришни истамайди.

Пулишичнинг "Челси" билан шартномаси 2024 йил ёзига қадар давом этади. Ушбу мавсумда у АПЛнинг 24 ўйинида майдонга тушди ва 1тадан гол ва ассист қайд этди.

"Ювентус" "Челси" футболчиси билан шартнома имзолаши мумкин