Туриннинг "Ювентус" клуби Криштиану Роналду билан судлашишда давом этади, дея хабар берди Фабрицио Романо.

Хабар қилинишича, "кекса синьора" клубни судга берган Роналдуга 9,8 миллион евро тўламоқчи эмас. Гап коронавирус пандемияси даври – кўплаб клублар маошларни камайтириш бўйича футболчилар билан музокара олиб боришга мажбур бўлган пайт ҳақида кетмоқда. "Ювентус" ўшанда Роналдуга маошини тўламаганди.

Туринликлар Роналду билан келиша олишмади. "Ювентус" бу жараённи давом эттириш ниятида ва апелляция беришни режалаштирмоқда.

"Ювентус" Роналду билан судлашишда давом этади