Аньелли Италия клубидаги хайрлашув нутқида Европа Суперлигасига ишонишини яна бир марта таъкидлади. У 2021 йилда ЕСЛни шакллантириш бўйича режаларнинг бош меъморларидан бири эди. 47 ёшли мутахассис ва "Юве" раҳбариятининг бошқа аъзолари ноябрь ойида клуб трансферлари бўйича текширув ўтказилаётган пайтда оммавий истеъфога чиққан эди.

"Европа футболига янги тизим керак. Акс ҳолда, бу бир неча йил ичида Европа футболининг барча истеъдодларини ўзига жалб қиладиган ва бошқа лигаларни бутунлай четга суриб қўядиган ягона доминант лигада пасайиш хавфи бор", – деди Аньелли.

Европа Суперлигаси режаси 2021 йилнинг апрель ойида 12 та клуб иттифоқи томонидан эълон қилинган, бироқ мухлисларнинг кескин эътирозлари ва бошқарув органларининг қаршиликлари туфайли 9 та клуб тарк этганидан кейин 72 соат ичида барбод бўлди.

"Ювентус", "Реал Мадрид" ва "Барселона" ЕСЛдан тўлиқ воз кечмади, УЕФА ва ФИФА уни яратишга тўсқинлик қилиб, Европа Иттифоқининг мусобақалар бўйича қонуни бузилганини даъво қилди.

Аньелли "Ювентус" аксиядорлар йиғилишида сўзга чиқди, унда янги директорлар кенгаши тасдиқланди, Аньелли ўрнига Жанлука Ферреро раис этиб тайинланди.

Италия гранди Аньеллининг 13 йиллик бошқаруви давомида кетма-кет тўққиз марта А Серия чемпионлигини қўлга киритди, бироқ ўтган мавсумни тўртинчи ўринда якунлади ва 254 миллион евро зарар кўрди. Бу йўқотиш Италия рекорди эди.

"Ювентус" собиқ президенти Европа Суперлигаси ғоясини қўллаб-қувватлайди